低至 半价游澳门 ！ 抵玩+自助餐推介Travel佳

嚟紧5月头又有long weekend，你唔会谂住剩係留喺香港啩？阿佳认为「人生就是不停的旅行」，所以我已经一早book定酒店、船飞，谂好晒节目同屋企人去澳门玩番转。你又心思思？係咁易同你开心share下我个行程，同埋金光飞航船票、食嘢等嘅买一送一优惠，睇下点样至 半价游澳门 啦！

玩乐推介1：全球最高8字形摩天轮

摩天轮好多地方都有，唔係话高就劲嘅，仲要够特色！呢个位于新濠影滙嘅「影滙之星」，係全球最高嘅8字形摩天轮，设计概念源自荷里活巨製嘅震撼场景，就好似有两粒小行星冲击大楼外墙咁，留低两个大洞形成完美嘅「8」字。摩天轮去到最高点有成130米，可以好开扬咁欣赏澳门景致。而家用Mastercard买成人标準门票有9折！

玩乐推介2：蝙蝠侠主题4D馆

如果你好似阿佳咁係蝙蝠侠忠粉，就一定要去新濠影滙内全球首个以蝙蝠侠为主题嘅4D多媒体飞行体验「蝙蝠侠夜神飞驰」，喺栩栩如生嘅电影世界，你可以孖住蝙蝠侠坐上型爆嘅蝙蝠战机，喺葛咸城嘅大厦间左穿右插、拆穿破坏王小丑、双面人同班恩嘅奸计，视听感官一定超震撼！

玩乐推介3：「三合一」国际魔幻show

讲到魔术表演，相信不论男女老幼都会睇得好开心！喺新濠影滙举行嘅「魔幻间」，由世界知名魔术大师法兰兹．哈拉瑞 (Franz Harary)打造，最特别係大师因应唔同表演项目，悉心设计咗3间独立魔法剧院，轮流上演令大家睇到哗声四起嘅彩魔术绝技，吸引全球嘅魔术爱好者嚟朝圣。

玩乐推介4：小朋友最爱卡通乐园

一家大细去澳门玩嘅朋友，阿佳推介「华纳满Fun童乐园」！呢个亲子游乐园佔地有成40,000平方呎，以华纳兄弟同DC漫画英雄为主题，熟悉嘅角色人物会喺互动专区同大家见面互动，另外仲有适合唔同年龄小朋友嘅互动游乐设施，好似「华纳极速迴旋」宇宙飞船、「猫鼠斗智乐园」、「巨型香蕉滑梯」等等，园内亦有礼品店、主题餐厅、动画剧场、生日派对专属场地等等；用Mastercard买标準门票 (包括成人及小童入场门票各1张，玩2小时)，另加成人门票同样有9折。

滋味推介1：人气海鲜自助晚餐

玩咗成日，夜晚一定要食番餐好！若然撞啱星期五或六晚，去澳门金沙城中心喜来登大酒店嘅盛宴，可以歎到「海鲜盛宴」自助餐，回本菜式有即开生蚝、波士顿龙虾、阿拉斯加雪蟹脚、法国麵包蟹、鱼生等等，可以话超丰富！星期日至四餐厅提供国际风味自助餐，主打亚洲、葡萄牙和澳门菜餚，仲有即製麵食同北京烤鸭等菜式，同样吸引㗎！

滋味推介2：周日靓景歎brunch

上一餐海鲜食得唔够喉，不妨试埋喺同一间酒店嘅班妮意大利餐厅，佢个周日半自助早餐唔讲得笑，除咗要拣选嘅热汤同主菜，自助餐枱仲有大量海鲜，龙虾、阿拉斯加长脚蟹蟹脚、海虾、海蟹、海螺、青口、蛤蜊……亦有意大利进口芝士、风乾火腿、沙乐美肠、沙律小食、甜品等等，绝对可以食到捧住个肚走呀，订位click呢度！

半价游澳门 交通优惠：金光飞航头等低至5折

坐过金光飞航嘅头等舱，真係坐唔番普通舱！因为头等舱有超舒服嘅对坐式连桌座位，有免费小食、饮品，仲可以优先落船，等你有真正嘅放假享受！World或World Elite Mastercard持卡人有福喇，由至7月14日，你哋坐金光飞航头等舱船票有买一送一优惠，而所有Mastercard持卡人全年都有8折㗎！

以上优惠推广期由即日起至，须受有关条款及细则约束，详情请浏览www.mastercard.com.hk/bestofmacau。